Bueno, pareceume todo moi interesante.

Xenial, poucas veces me teño atopado ponentes que comuniquen tan ben ás cousas e consigan manterme atenta todo o tempo

A experiencia con Convive+ foi marabillosa desde o primeiro contacto.
Grazas por saber escoitarnos e por adaptarte sempre ás nosas necesidades.
A formación en convivencia co alumnado de 4°ESO marcou un antes e un despois nas súas dinámicas.
Tamén contamos con Convive + para botar a andar un equipo de alumnado axudante de 1°, 2° e 3° de ESO, que remata a formación con moitas ferramentas para a resolución de conflitos e con moitas ganas de axudar.

Con su intervención ponemos en práctica un proyecto ilusionante para el centro. Tanto el alumnado participante como el profesorado hemos sentido una intervención formada, responsable, amena y cercana.
Pretendo con su ayuda seguir sacando adelante y dando forma a esta iniciativa. Muchas gracias Jeniffer.

Acompañounos dende o principio do proxecto e soubo darlles forma ás ideas que nós tiñamos ata convertelas nunha realidade. É unha persoa dinámica, que domina o tema do que fala e que ten unha visión realista dos centros e da convivencia. Gaña a confianza do profesorado e conecta perfectamente co alumnado.

A ponente ten moi boas habilidades para a comunicación. A valoración xeral dos obradoiros é boa. O único que sería preciso considerar e a parte teórica da formación en relación as idades e a capacidade de atención do grupo (alumnado). Cando son grupos grandes é mellor intercalar parte expositiva con parte práctica; ben por equipos, parellas…
O grao de satisfacción é bo.

Moi recomendable! Jeni é un encanto, moi accesible, disposta e adáptase perfectamente ás distintas necesidades do centro (tanto en relación a contidos como en relación a número de sesións). No noso caso contamos con ela para impartir un obradoiro de convivencia (no marco do Plan de Benestar Emocional) e a formación para mediación entre iguais. Todo un éxito

Foi un pracer poder contar con Jeni nas sesións para traballar a intelixencia emocional: contido, asertividade, comunicación e dinamismo para facer das sesións un espazo de expresión onde o alumnado se sinte seguro para compartir cos demáis. Espero que pronto poidamos volver a contar co seu bo que facer!

Presentacións motivadoras e moi dinámicas para as familias, participativas e cuns contidos axeitados.

Nos obradoiros para nenos/as as actividades foron lúdicas e motivantes para os rapaces maiores, cos pequenos/as houbo máis dificultades á hora de conectar con eles.

Jeniffer é unha gran profesional, empática e coñecedora das realidades da convivencia en centros de traballo e educativos. Na Escola Oficial de Idiomas de Vilagarcía puidemos contar coa súa profesionalidade en varias ocasións, para formar ao claustro e alumnado en mediación e xestión positiva do conflito, así como iniciar o primeiro programa de titorización entre iguais para alumnado. A experiencia foi sempre moi positiva e enriquecedora, e non dubidaremos en colaborar con ela de novo no futuro.